სააპელაციო საჩივარი

თბილისის სააპელაციო სასამართლოს სისხლის სამართლის საქმეთა პალატას
მსჯავრდებულ ნონა წიწილაშვილის, სად-ის ქალთა დაწესებულების პატიმრის, გარდაბნის მუნიციპ. სოფ. მთისძირი
ადვოკატი რევაზ რიჟამაძე

სააპელაციო საჩივარი
რუსთავის საქალაქო სასამართლოს 2011 წლის 28 აპრილის განაჩენზე, დანაშაული, გათვალისწინებული საქართველოს სისხლის სამართლის კოდექსის 180-ე მუხლის 1-ლი და მე-2 ნაწილებით

სასამართლოს განაჩენი არის დაუსაბუთებელი და ვითხოვთ მის გაუქმებას სასჯელის ნაწილში მისი შემსუბუქების მიზნით:
სასამართლო განაჩენში არაა დასაბუთებული თუ რა საფუძვლების გათვალისწინებით იქნა გამოყენებული დანიშნული სასჯელი, რით გახდა შეპირობებული მოცემული დანაშაულისათვის გათვალისსწინებული სასჯელის მინიმალურ ზღვარზე მაღალი ფარგლის გამოყენება.
სააპელაციო სასამართლოს ყურადღებას მივაპყრობთ ნონა წიწილაშვილის ბრალდების შემამსუბუქებელ გარემოებებს, როგორიცაა: მისი წარსულში ნასამართლობის არქონა, მარტოხელა დედა, ჰყავს 2 მცირეწლოვანი შვილი, ჩადენილ დანაშაულს ინანიებს მთელი შეგნებით და ასევე თანამშრომლობს და მომავალშიც გააგრძელებს თანამშრომლობას გამოძიებასთან მოცემულ დანაშაულებრივ ქმედებაში სხვა თანამონაწილეების მხილების თვალსაზრისით.
აღნიშნულიდან გამომდინარე,
გ თ ხ ო ვ თ :

ნონა წიწილაშვილს შეუმსუბუქოთ დაკისრებული სასჯელი მოცემული დანაშაულისათვის გათვალისწინებული ფარგლების მინიმალურ ზღვრამდე.

მსჯავრდებული ნონა წიწილაშვილი